Biblia Etíope · Biblia Etíope en Ge'ez
Amós 7
ዘአሞጽ፡ነቢይ።71ከመዝ፡አርአየኒ፡እግዚአብሔር፡ወናሁ፡ይመጽእ፡አንበጣ፡በጽባሕ፡ወአሐዱ፡ደጎብያ፡ጎግ፡ንጉሥ።
2ወይበልዕ፡ኵሎ፡ሣዕረ፡ምድር፡ወየኀልቅ፡ወእቤ፡ተሣሀል፡እግዚአብሔር፡መኑ፡ያነሥኦ፡ለያዕቆብ፡እስመ፡ውሕደ፡ውእቱ።
3ወነሥሐ፡እግዚአብሔር፡በእንተ፡ዝንቱ፡ወዝኒ፡ኢያመጽእ፡ይቤ፡እግዚአብሔር።
4ከመዝ፡አርአየኒ፡እግዚአብሔር፡ወናሁ፡ጸውዐ፡እግዚአብሔር፡በቃሉ፡እሳተ፡ወበልዐት፡ዐቢየ፡ቀላየ፡ወበልዐት፡መክፈልቶሙ።
5ወእቤ፡አነ፡እብለከ፡እግዚኦ፡ኅድግ፡መኑ፡ያነሥኦ፡ለያዕቆብ፡እስመ፡ውሕደ፡ውእቱ።
6ወነሥሐ፡እግዚአብሔር፡በበይነ፡ዝንቱ።ወዝኒ፡ኢያመጽእ፡ይቤ፡እግዚአብሔር።
7ወከመዝ፡አርአየኒ፡እግዚአብሔር፡ወናሁ፡ብእሲ፡ይቀውም፡ዲበ፡አረፍተ፡አድማስ፡ወውስተ፡እዴሁ፡አድማስ።
8ወይቤለኒ፡እግዚአብሔር፡ምንተ፡ትሬኢ፡አሞጽ።ወእቤ፡አድማሰ።ወይቤ፡እግዚአብሔር፡ናሁ፡አነ፡እኤዝዝ፡አድማሰ፡ማእከለ፡ሕዝብየ፡እስራኤል፡ወኢይደግም፡እንከ፡አናሕስዮ፡ሎሙ።
9ወይማስኑ፡አውግረ፡ዘውዑ፡ወይጠፍኡ፡ኄራቶሙ፡ለእስራኤል፡ወእትነሣእ፡በኲናት፡ላዕለ፡ቤተ፡ኢዮርብዓም።
10ወለአከ፡አምአስያስ፡ካህነ፡ቤቴል፡ኀበ፡ኢዮርብዓም፡ንጉሠ፡እስራኤል፡እንዘ፡ይብል፡ማዕሌተ፡ይገብር፡ላዕሌከ፡አሞጽ፡በማእከለ፡ቤተ፡እስራኤል፡ወምድርኒ፡ኢትክል፡ጸዊሮቶ፡ለኵሉ፡ዘይነብብ።
11ወይቤልኬ፡አሞጽ፡በኲናትአ፡ይመውትአ፡ኢዮርብዓምአ፡ወእስራኤልአ፡ይጼወዉአ፡እምብሕሮሙአ።
12ወይቤሎ፡አምአስያስ፡ለአሞጽ፡ሖር፡ፍልስ፡ብሔረ፡ይሁዳ፡ወንበር፡ሂየ፡ወበህየ፡ተነበይ።
13ወኢትትነበይ፡እንከ፡በቤቴል፡እስመ፡ምሕራመ፡ነገሥት፡ይእቲ፡ወቤተ፡መንግሥት፡ይእቲ።
14ወተሰጥዎ፡አሞጽ፡ለአምአስያስ፡ወይቤሎ፡አንሰ፡ኢኮንኩ፡ነቢየ፡ወኢኮንኩ፡ወልደ፡ነቢይ፡አላ፡ኖላዌ፡አንሰ፡ሠያጤ፡በለስ፡አነ።
15ወነሥአኒ፡እግዚአብሔር፡እማእከለ፡አባግዕ፡ወይቤለኒ፡እግዚአብሔር፡ተነበይ፡ላዕለ፡ሕዝብየ፡እስራኤል።
16ወይእዜኒ፡ስማዕ፡ቃለ፡እግዚአብሔር፡አንተ፡ትቤ፡ኢትትነበይ፡ላዕለ፡ቤተ፡እስራኤል፡ወኢታንጥዮሙ፡ለቤተ፡ያዕቆብ።
17በእንተ፡ዝንቱ፡ከመዝ፡ይቤ፡እግዚአብሔር፡ብእሲትከኒ፡ትዜሙ፡በሀገር፡ወደቂቅከኒ፡ወአዋልዲከ፡ይወድቁ፡በኲናት፡ወይሰፍርዋ፡ለምድርከ፡በኀብል፡ወአንተኒ፡ትመውት፡በምድር፡ርኩስ፡ወይጼውውዎ፡ለእስራኤል፡እምነ፡ምድሩ።